Ad Banner
Ad Banner
Ad Banner
Ad Banner

Kjo është gjendja shëndetësore e familjes nga Rahoveci që bëri aksident rrugës për Gjermani

09:38 | 8 Janar 2026
R J

Një aksident i rëndë ka ndodhur të mërkurën në zonën e Waldshut-Tingen, pranë kufirit me Zvicrën, duke përfshirë një familje pesëanëtarëshe shqiptare.

Familja po kthehej nga Kosova dhe aksidenti ndodhi pak minuta para se të mbërrinin në vendin ku jetojnë.

Lajmin e ka konfirmuar edhe policia gjermane, e cila ka njoftuar se përpos pesë anëtarëve të kësaj familjeje, i lënduar ka mbetur edhe një person i gjashtë.

Ndërsa sot, Bahri Cani, gazetari shqiptar që jeton në Gjermani, ka njoftuar se gjendja shëndetësore e familjes nuk ka ndërruar gjatë natës.

“Sot nga burime të informuara shumë mirë u informova se një fëmijë është akoma një gjendje më të rëndë, të tjerët janë, siç thuhet, në gjendje stabile. Ata janë duke u trajtuar nga mjekët në Zurich dhe në Gjermani. Në makinë kanë qenë prindërit të moshës rreth 30 vjeç dhe tre fëmijë – një tre vjeç dhe dy bebe”, shkruan ai.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm